【識港網訊】藝人張繼聰同老婆謝安琪（Kay）喺2007年結婚，計埋拍拖嗰段時間嘅話，佢哋都起碼一齊過咗10幾個情人節，而作為「愛妻號」嘅阿聰冇因為過咗咁多次情人節而Hea住慶祝，相反今年佢畀咗個難忘嘅情人節Kay！

話說阿聰喺社交網上載幾段影片，透露老婆唔想要物質禮物，但想要個難忘、冧豬、幾十年後都記得嘅禮物，所以決定帶老婆到尖沙咀海旁，更即場問後生仔借結他，自彈自唱張學友首名曲《每天愛你多一些》，至於Kay就喺人群中甜笑咁欣賞老公演出。

唱到最後唔少圍觀嘅市民都大叫Encore，但阿聰就笑住話：「唔好意思，打攪晒。」之後就放低結他走咗，其後阿聰亦留言多謝後生仔，更表示：「#唱得唔好都冇得介意 #好耐冇試過 #邊唱邊淆 #誠意搭夠 #退咗役係咁上下　最後最後 , @kaytse #每天愛你多一些」

不過又係嘅，阿聰都已經成功冧到老婆，當然唔好阻住原本表演緊嘅後生仔，繼續佢哋嘅二人世界好過啦！‘

原文鏈接：http://www.orangenews.hk/officelady/system/2019/02/15/010109988.shtml