【識港網訊】藝人麥明詩（Louisa）早前為慈善由香港踩單車到柬埔寨，豈料踩到廣西時發生交通意外，休息過後Louisa繼續上路，最近更由老撾踩到泰國，不過她在泰國期間再次發生意外！

Louisa今日在社交網分享「踩單車去柬埔寨」第20日的記錄，講述由老撾踩去泰國的過程，直言踩單車過橋去泰國的感覺特別，有種在「no man’s land」的感覺，亦有種直奔比較文明的感覺。而當到達泰國後，Louisa直指氣溫比起老撾更熱，幸好人體適應力強，在老撾熱了兩日後開始習慣炎熱氣溫，但直言汗水令她身上的皮膚變得敏感。

除此之外，Louisa還自爆在泰國踩單車期間不幸再次炒車：「有一位隊友炒車落我到，至於係邊個，到時睇節目啦。傷就冇上次咁傷，主要係皮外傷，不過個傷口就真係幾痛啦。hip位個傷口深啲反而冇咁痛，喺正膊頭位嗰個，隻手一郁就痛。加上右手手掌腫哂瘀哂，放都放唔到手掌落handlebar，唔好講話渣brake或者轉波。Silver lining就係，好彩今次跌右邊，上次左邊，咁咪平衡番囉。」

不過Louisa表示今次意外沒有傷到筋骨，故此只能繼續踩下去，最後她去到酒店後要做她最抗拒的消毒傷口，更痛到叫苦連天：「消毒嘅時候我真係嗌到劏豬咁，真係好冇用。啲人話，炒多幾次就慣㗎啦，希望喇。」

原文鏈接：http://www.orangenews.hk/officelady/system/2019/02/04/010109354.shtml