[識港網訊]藝人蕭正楠早前在《萬千星輝頒獎典禮》中宣佈與黃翠如已經拉埋天窗，公佈婚訊後二人不時在社交網晒恩愛，阿蕭日前上載一張老婆為他炮製的愛心節瓜咸蛋肉片湯的照片，並感動留言說：「唔通今日係我生日？定係我做得善事多？返到屋企竟然有湯飲？」

不少網民都表示二人幸福滿溢，還大讚翠如相當賢惠，不過與阿蕭老鬼鬼、似足「小三」的曹永廉就留言：「小心有毒！」對正宮可謂十分不給面子！網民紛紛笑指曹永廉「呷醋」，還戲稱他是「進擊的小三」！

未知是否要為老婆被「寸」而報復，蕭正楠其後在社交網上載曹永廉的女裝照反擊，更留言：「有時候定力少D都真係會忍唔住！ #打佢唔好走開」相中見到化晒妝的曹永廉戴上淺金色假髮，並用手指指住臉頰裝可愛，加上「甜美」的笑容，真係少啲定力都忍唔住！

網民直言睇到拳頭硬晒，認為照片「引人犯罪」，不過亦有不少網民笑言阿蕭公然晒「小三」「美」照，認為他們變相晒恩愛，覺得他有必要澄清到底他愛蕭太還是「小三」多一點：「講！你最愛係廉大姐定係蕭太太」、「佢係你二奶，翠如都要讓位」、「細蕭太，你們3個嘅關係好複雜」

原文鏈接：http://www.orangenews.hk/officelady/system/2019/01/08/010107380.shtml