【識港網訊】台灣一向係唔少港人至愛嘅旅遊地點，新嘅一年，當地最熱門嘅話題，當屬即將登場嘅2020大選。不過臨近大選，遊客反而有減冇增，小編趁住呢個機會，親自去到當地感受一下。

今次去嘅地方，係台灣出名嘅觀光勝地——花蓮。坐擁山、海、林、潭嘅花蓮有唔少風景亮麗嘅自然景觀，七星潭海灣一路延伸嘅海岸線，配上藍天白雲，真係有去咗沖繩嘅感覺！

小編去咗幾個打卡點，一路上遇到嘅遊客都比較少，完全沒有往日熱鬧嘅情景，連景點必備嘅紀念品小攤檔都寥寥可數。

一位喺景區擺攤賣明信片同手作紀念品嘅原住民商販大呻，由於冇大陸遊客，生意受到唔少衝擊。

有牛肉麵店老闆就話，自從(上屆)選舉過後，當局政策唔同大陸接觸，無論係的士業、民宿定店家，生意都非常蕭條。佢話，三個大陸遊客嘅消費能力可以抵過台灣六到七個人，對台灣經濟比較好。

臨走前，載咗我地一日嘅司機侯師傅透露，原來我地係佢今個禮拜第一個客人。佢話，台灣當局同大陸關係唔好，仲話唔可以只依賴大陸客，但因為補助而過來玩嘅南韓、東南亞客人，始終喺語言上溝通唔方便，希望日後可以重新開放多啲大陸客嚟台灣旅遊。

原文鏈接：http://www.orangenews.hk/news/system/2020/01/10/010136528.shtml