【識港網訊】上週日（25日）荃葵青遊行結束後，暴徒多次衝擊警方防線，警方共拘捕36人，年齡最小的只有12歲。據了解，該名12歲男童涉「非法集結」被捕，在新學年將升讀中一，未知能否如常繼續學業。
翻查資料，近月連串暴力示威衝擊中，最少有五名未滿16歲的學生被捕。未滿16歲，本該純粹明淨，奮發學習，如今卻變被捕者，前途堪虞，令人心痛。我哋是時候認真想下，究竟係邊個嘅過錯？類似悲劇仲要一再重演嗎？

年輕人成為「政治燃料」

在這場反修例風暴中，年輕人陷入旋渦中心，係當之無愧的「主角」。十多歲的中學生、二十歲左右的大學生，站在街頭的最前線，圍攻、毆打、襲警，當然自己亦可能受傷、流血甚至被捕。
點解係年輕人？如果只用一個詞解釋，就係「好用」。你想下，如果要掀起一場政治風暴，邊個群體可以利用？中年人，當然唔得。佢哋心智成熟，有生活閱歷，有工作經驗，且經濟能力較高，佢哋明白香港的繁榮安定得來不易，希望盡快恢復秩序。

反觀青少年，心智不成熟，多有逆反情緒，容易受人教唆，遭人利用。尤其一些青少年無知無畏，有英雄主義情結，希望變身「沖沖子」，以身犯險，為大眾利益抗爭。殊不知，佢哋所認為的大眾利益，只不過係少數人的「戰績」；佢哋自我感覺係義士、勇士，在一些人眼裡不過只是棄子、傻仔。

青少年關心社會，積極參與社會時事以至政治議題的討論，並非壞事。但一些人打著自由、正義的幌子，一味編造謊言，煽動仇恨，把普通學生變成暴力示威者，煽動佢哋採取激進違法行為。只有暴力衝擊沖得越兇，只有年輕人越受傷，只有場面越血腥，其所謂的民主力量與氣勢才會越旺盛。

年輕人係香港的未來。呢場風暴最得人憎之處，就係為政治圖謀利用年輕人充當炮灰，充當「政治燃料」，挾青年自重，用佢哋做政治籌碼，引誘佢哋做前鋒，親手將送進監牢。如此做法，卑劣、可耻！試問幕後黑手欠了香港年輕人多少青春同健康？

幕后推手變相行兇

昨日，前線勇武抗爭者召開「前线自白」記者會，首次公開剖白。有「沖沖子」聲言，前線勇武示威者面臨身心壓力，在外長期吸入催淚彈致咳嗽、出現幻覺；歸家亦要面對家人的不解。
對於呢次記者會報道，「毒蘋果」在封面大做文章，大讚「沖沖子」不怕警方的真槍實彈，不怕坐監，已準備遺屬。言下何意？就係鼓動年輕人繼續「戰鬥」，鼓勵佢哋不計後果，唔怕被捕、唔怕犧牲生命！這係草菅人命，變相殺人，係將年輕人大力推入火坑！

這場政治風暴鬧到現在，誰在破壞香港，誰在守護香港，一切都已清清楚楚。一些幕後推手，不問是非，立場先行，顛倒黑白，一味鼓動青年。未滿16歲的學生被捕，就係源於謊言和欺騙，源於煽動和蠱惑！
仲有，一些家長、市民對「沖沖子」的暴力行為予以理解，堅決不割席，甚至有教師鼓動學生參與示威甚至暴力。須知暴力係犯法，不僅會讓年輕人身體受到傷害，還可能負上刑事責任，如此默許、縱容，係完全未盡義務，完全不負責任。

守護香港，要從守護年輕人開始。我哋香港人是時候冷靜理性，當好年輕人的守門人，勿再任由政客推年輕人去死，勿再讓少數人將年輕人變成「敢死隊」，變成佢哋的炮灰!