【識港網訊】無綫處境劇《愛．回家之開心速遞》不經不覺已播出590集，為咗Keep住帶畀觀眾新鮮感，一班編劇都絞盡腦汁幫劇集角色製造唔少突破，好似李偉健飾演嘅Terry由原本《愛．回家》嘅蠢人代表，經過一次意外突變天才，不過連原本善良嘅特徵都冇埋，甚至奸到為爭奪繼承權連哥哥Max（鄭世豪飾）都想陷害！

黑化咗嘅Terry令大批觀眾感到驚喜，好多人都大讚Terry有型，同時亦有部分網民希望Terry變返蠢萌，至於網民嘅願望似乎有機會實現，李偉健日前喺社交網上載一張維基百科頁面嘅截圖，圖中見到今個星期四、五將播出「真．Terry回歸」上下集，唔知係咪代表Terry打回原形變番蠢鈍，定還是佢依舊聰明，只係變番原本善良嘅佢呢？

原文鏈接：http://www.orangenews.hk/officelady/system/2019/06/03/010118106.shtml