【識港網訊】藝人黃澤鋒去年宣佈其現年52歲嘅太太陳麗麗懷孕，對於高齡嘅陳麗麗能夠自然懷上第一胎，喺外界造成唔少迴響，最近陳麗麗擔任無綫新節目《媽媽唔易”造”》嘉賓，分享高齡懷孕的過程，更坦言公佈懷孕喜訊後曾收過他人惡毒的詛咒！

陳麗麗在訪問中提到自己懷孕後，為唔少朋友帶嚟咗希望，不過同時亦收到好多負面訊息，當中有啲仲係好惡毒：「有啲好絕嘅，詛咒你（BB）有唐氏綜合症、生出嚟養唔大。」佢希望大家積啲口德，就算唔恭喜唔緊要，但冇需要講埋啲咁絕嘅說話。

另外，陳麗麗又分享懷孕初期嘅驚險事件，曾經試過出血，自己亦好擔心，好怕難得懷孕，但只係一陣間嘅開心，佢憶述有晚12點咳完去廁所，點知發現如廁嗰陣有灘血，之後凌晨2點幾再去嘅時候發現流更多血，好似經期流量最勁嗰陣，佢即刻預約醫生，幸好檢查後發現係胎兒下神經線嘅微絲血管喺佢咳嘅時候谷爆咗，之後傷口都會癒合，先令佢安心番。

原文鏈接：http://www.orangenews.hk/officelady/system/2019/05/31/010117976.shtml