【識港網訊】現年50歲嘅藝人張可頤近年雖然減少咗幕前演出，不過始終係藝人嘅關係，張可頤都一直努力運動，務求Keep住最佳狀態。噚日（30號）張可頤喺社交網晒出一張著住Bra Top同三角褲做運動嘅相，大晒長腿同纖腰，並留言：「我在努力找回馬甲綫路上啦。」

其實以50歲嚟講，張可頤嘅身材保持得非常好，可惜就有網民惡意留言：「原來明星脫了衣服也就那樣，還不如穿衣服好看。」不過張可頤不但冇鬧，反而仲親自回覆對方：「親愛的，第一我沒脫衣服，正常日用運動服，就這樣，仍有些小微肚子，倒沒有三腿四臂，跟性感拉不上絲毫哈，讓你奇特的思維頻道失望了。」

唔少網民都力撐張可頤，批評嗰位網民冇禮貌，而張可頤似乎避免引起罵戰，已經將有關留言刪走。

原文鏈接：http://www.orangenews.hk/officelady/system/2019/05/31/010117985.shtml