【識港網訊】P圖唔止係女仔嘅專利，藝人吳鎮宇嘅10歲囝囝費曼都加入P圖行列，不過佢就唔係幫自己P圖，反而係喺微博在線營業幫網民P圖，吸引唔少網民幫襯，而佢更連老竇吳鎮宇都惡搞埋一份添！

費曼對於網民嘅要求都一一奉陪，好似有網民要求費曼將一張男人相P得靚仔過吳鎮宇，點知費曼直接P咗自己個頭上去，擺明話畀大家聽自己靚仔過老竇，之後有人叫佢P一個頭落女神像上面，費曼就惡搞將吳鎮宇個頭P上去，令吳鎮宇一秒變女神！

費曼呢啲惡搞相惹嚟大批網民關注，「費曼在線P圖」更登上微博熱搜榜，網民見到費曼惡搞老竇後，都講笑叫吳鎮宇應該畀多啲作業囝囝做，等佢冇時間P圖，其後連「吳鎮宇是不是要給費曼加作業」都上埋熱搜榜，認真厲害！

原文鏈接：http://www.orangenews.hk/officelady/system/2019/05/28/010117694.shtml