【識港網訊】藝人黃心穎昨日（16號）被爆背男友馬國明與人夫許志安於車廂內偷情，「受害人」馬國明今日如常為新劇《降魔的2.0》開工，更親自開腔回應女友偷食風波。

馬國明接受訪問時，表示自己知道事件後很快已經沒有生氣的感覺，取而代之的是很擔心，擔心牽涉在這件事入面的所有人，而馬國明亦公開維護女友：「我唯一係可以代表佢（黃心穎）講少少嘢，我知佢都知自己做錯咗，亦都知道佢係好想出嚟同大家講，但好似公司暫時驚佢情緒唔係好穩定，驚佢會講錯嘢，所以就冇安排到佢出嚟同大家講。我知道佢啱啱出咗IG，我只可以話佢仲係好年輕，未來仲有好多路要去面對要去行，我希望大家會畀啲空間佢。」

同時馬國明表示大家不用擔心他，接下來他會繼績專心其工作，不希望影響劇集的進度，至於他知道許志安已就事件回應，而他坦言不會發表任何意見：「因為我覺得呢個世界冇人有資格發言，除咗安仔嘅太太之外，其實大家都係冇資格去發言，我希望呢件事可以盡快平息咗佢就算喇。」

另外，馬國明亦希望傳媒高抬貴手，不要採訪他的父母，以免嚇親他們，同時希望大家不要將其母的說話放大，自己亦不會就母親的話去回應大家。最後有傳媒問到馬國明有否與黃心穎分手？馬國明僅說：「我冇嘢要講，多謝大家關心！」

原文鏈接：http://www.orangenews.hk/officelady/system/2019/04/17/010114686.shtml