【識港網訊】以明星子女為賣點嘅親子節目一向大受歡迎，好似《爸爸去哪兒》咁，不過噚日國家廣播電視總局發布嘅《未成年人節目管理規定》就明確規定，未成年人節目不得宣揚童星效應或者包裝、炒作明星子女。睇嚟《爸爸去哪兒》可能要停播，相信一眾電視迷都會好失望。新例將於今個月30日開始正式實施。

新例仲要求節目「應當以培養能夠擔當民族復興大任的時代新人為著眼點，以培育和弘揚社會主義核心價值觀為根本任務，弘揚中華優秀傳統文化、革命文化和社會主義先進文化」。睇嚟講親子之外，又要兼顧埋宣揚中華文化精神。

另外，亦唔可以喺節目中插播醫療、藥品、保健食品、酒類、美容產品類別嘅廣告，而未成年節目專門頻道喺黃金時間都唔可以播放海外卡通片。《爸爸去哪兒》收視一向高企，新例實施之後，會唔會影響電視台整體收視，仍然係未知之數。

原文鏈接：http://www.orangenews.hk/officelady/system/2019/04/04/010113667.shtml