【識港網訊】藝人洪永城、蔡思貝和楊明出席《TVB Anywhere劍指東南亞發布會》，現場播出洪永城演出的劇集配上泰文和越南語後的片段，洪永城受訪時戲言配音後的自己魅力萬千，連蔡思貝也笑指洪永城配音比講粵語更好，將戲份配合得更淋漓盡致，怪不得有「越南劉德華」之稱。

不過洪永城直言自己想打開朝鮮市場，希望劇集能夠配上當地語言，等到將來可於當地登台時，順便探望朋友「金仔」！

至於蔡思貝透露4月將到越南做宣傳，自己亦相當期待，當洪永城提議公司讓蔡思貝順道拍旅遊節目，並問她會揀選誰做拍檔？蔡思貝即表示揀洪永城，可惜遭到洪永城嫌棄，他說：「同佢一齊嗌交多過工作（你想揀邊個？）想搵個新拍檔，同（黃）翠如合作咗好多次，或者兩個男囉，蕭正楠都OK，但佢又有曹永廉。咁李佳芯啦，佢都拍過唔少旅遊節目，之前喺拉薩碰過面，可以考慮一下。」