【識港網訊】歌手曾樂彤早前於「KKBOX香港風雲榜」中獲得年度新人獎，然而演唱新歌又唱又跳的她事後被網民質疑咪嘴演出，曾樂彤隨即在社交網否認咪嘴，更Hashtag「micnlm」，疑似用粗口諧音還擊，惹來不少網民圍插！至於她的男友游學修亦護花撐女友，公然同網民開火，不過到了昨日二人卻「跪低」發文道歉。

曾樂彤於社交網上載道歉文，為自己在網絡上的失言道歉，她講到：「就算情緒有幾激動，都唔應該係（喺）公眾平台隨意發表唔恰當既（嘅）詞語，希望大家原諒我當刻有情緒，係（喺）自己嘅平台發洩自己嘅感受，經過今次呢件事，我好好上一課，好後悔自己因為一時衝動，去做咗一件錯嘅事，吸取教訓後我會學識好好去控制我自己嘅情緒，我真心同大家講聲對唔住，希望大家接受我嘅道歉。」至於游學修則表示以後會專心工作，與工作無關的事情會從此慎言敏行。

不過網民對於曾樂彤的道歉似乎不太受落，批評仍屬新人的她未紅已不接受批評，而且EQ甚低，未夠班做歌手。

原文鏈接：http://www.orangenews.hk/officelady/system/2019/03/19/010112457.shtml