【識港網訊】現年34歲嘅沈卓盈同家族經營內衣褲出口生意嘅富二代男友Calvin拍拖4年，感情好穩定，今年初沈卓盈宣布約滿，離開效力16年嘅無綫，雖然佢一直避談係咪為咗結婚而離巢，但佢坦言同男友有共識朝呢個方向出發。

到咗今日（13號），沈卓盈喺社交網晒出喺巴黎同英國影嘅婚紗相，宣布同男友即將拉埋天窗，佢留言講到：「從不期望驚天動地的愛情 ，只求細水長流的甜蜜。不知不覺間原來我們的緣份（分）源於十年前的一面，可是種子並沒有在那一刻萌芽。猶幸上帝的安排、緣份（分）的牽引，令我們在四年前的那一天再次重遇，讓彼此加深了解，一起學習，一起成長，再一同走向人生的新一頁，成為相依相伴的伴侶。❤」

原文鏈接：http://www.orangenews.hk/officelady/system/2019/03/13/010112072.shtml