【識港網訊】ViuTV全新節目《林盧去追星》由經典拍擋林建明（大姐明）同盧海鵬（鵬哥）再度攜手合作主持，今次佢哋竟然係去到首爾「追星」，絕對係破天荒嘅旅遊節目！大姐明提到最鍾意池昌旭，鵬哥笑問：「係咪揸住支槍郁？」鵬哥又講到唔識韓文，大姐明話可以睇字幕，鵬哥反應勁快回應：「即係唔使收音啦。」全場爆笑！

呢對歡喜冤家各有不同喜好，為免佢哋水火不容，佢哋都同意遵守以下四大原則，包括：不動手、不黑面、不作人生攻擊同埋務必準時收工！佢哋仲威水到有助手同行，大姐明同鵬哥要喺五位ViuTV藝人─曾贊學、劉泉、余采霖、胡希文同朱晉傑中，揀出一位任勞任怨同話頭醒尾嘅保姆同遊，候選人仲要即場為自己拉票，究竟邊位到時會同佢哋同行，咁就要留意播出啦！

原文鏈接：http://www.orangenews.hk/officelady/system/2019/03/13/010112076.shtml