【識港網訊】謝安琪（Kay）噚晚發生耳機失靈事件，阿Kay自己就話：「未試過咁徬徨！」，真係嚇到鼻哥窿都冇肉，不過阿Kay仍然好敬業樂業，完成整個表演。而張繼聰凌晨發長文撐老婆，覺得老婆「好堅」咁話！

張繼聰長文講到：「依（呢）種情境，任何表演者發夢遇到都保証會嚇醒，不過，可惜，今次單嘢係堅嘅。依（呢）二十分鐘嘅痛苦，恐懼，㥬惶，心血白費…對表演者嚟講，係災難。災難係堅嘅，不過我認為你更堅。大佬，聽唔到聲照唱，部琴冇聲照彈，聽唔到音樂數唔到拍子照入歌喎，真係靠心中有劍！」作為一個表演者兼另一半，「愛妻號」呢個名，張繼聰真係當之無愧喇！

張繼聰最後仲講到：「經歷係用嚟強化自己嘅 。312，個宇宙預早送依（呢）份禮物俾（畀）你，等你再Level Up ，算係咁啦！」相信阿Kay睇到老公呢番說話，應該心情都靚返晒啦！

原文鏈接：http://www.orangenews.hk/officelady/system/2019/03/13/010112035.shtml