【識港網訊】ViuTV嘅真人騷《初戀還未來》為4位A0女生尋找初戀，最近講到佢哋去台灣同韓國搵外地情緣。噚晚第8集就講緊Cheri要同台灣仔仔王柏森進行暗黑約會，佢哋仲要食成餐飯，諗落都辛苦。

暗黑約會目的係唔想大家以貌取人，用心體會同溝通。見到Cheri同王柏森大家戴住眼罩都傾得好開心，王柏森仲好貼心想幫Cheri夾嘢食，不過當然夾唔到啦，但係過程都好有趣，睇得出佢哋都幾享受同對方溝通。

王柏森仲講到覺得香港女生講嘢比較大聲同獨立自主添，一切好似好順利，不過殘酷嘅一刻即將開始喇！

佢哋除咗眼罩之後都變得冇咁放，彼此都有啲失望添。王柏森仲話覺得Cheri好有距離感，最後Cheri仲畀主持李敏踢爆之後冇乜覆王柏森嘅訊息。導師之一嘅鄭融就話呢個真係好殘酷嘅約會，因為之前會有想像，自然就有落差，果然現實真係殘酷！

原文鏈接：http://www.orangenews.hk/officelady/system/2019/03/07/010111623.shtml