【識港網訊】早前有媒體指在無綫處境劇《愛．回家之開心速遞》演「洋洋」的劉思希目前正在兼讀科大EMBA課程，又指她是「圈中高學歷女星代表」，因她早前曾於在美國林肯大學讀行政管理碩士，論學歷的確是不少明星之上，不過牛津數學系畢業的林作則對此表示不同意。

林作昨日在社交平台回應劉思希相關新聞指：「我實在無法接受依家咩都叫高學歷嘅標題。雷丁大學測量學系係全英第一，咁又係咪叫高學歷？！科大其實國際上有幾多人識？呢個學科喺牛津劍橋有得讀嗎？呢個學科其實有幾多外國人想讀？唔係貶低該學歷。只係當年我見到話劉青雲太太南加大工程學碩士畢業就係超高學歷，真心笑咗 – 你走入牛津、劍橋，望下依家嘅校園有幾多人，甚至幾多華人，你就明 – 咩鬼高學歷啊，通街都係。走黎做娛樂圈又有咩奇？！你去睇下英美娛樂圈，高學歷遍地開花 – 我女神，喺 Crazy Rich Asians 大放異彩嘅 Gemma Chan, 黎緊過兩日喺 Captain Marvels 將再出現，佢牛津大學法律系畢業，有國外媒體會喺呢個位著墨嗎？！講到尾都係香港人對娛樂圈嘅歧視，同埋對學歷嘅過度崇拜。醒吧！Forget about stereotypes.」

似乎林作是針對香港人對娛樂圈嘅歧視而有感而發。他更貼出最佳網友的回應，以表示自己的言論有人支持！

林作今日下午繼續在IG回應此事，他表示：「EMBA從來都只係networking tools, 讀到唔代表你係人中龍鳳或者特別優秀，你嘅同學係邊個先最重要。其實讀個bba都冇乜實質意義同作為，讀mba，emba又可以有咩用?」林作雖然在首屈一指的牛津數學系畢業，不過並沒有以此自居，反而強調：「你嘅同學係邊個先最重要！」更自Tag 「乜q人都學霸真係霸氣盡失」，認真串咀！林作此Post一出，不知會否得罪一些娛樂圈高學歷人士呢？不過網友就回應：「其實最緊要都係人脈。」

林作接受橙新聞訪問時表示：「我認為藝人唔需要高學歷，佢唔係一個考智力嘅職業，甚至好多工種根本都唔需要所謂咩高學歷。讀書唔係為咗搵工，讀書就係讀書，冇咩外在目的。讀書係為咗令自己更有涵養，懂得生活，了解生命意義嘅可能性。但香港人扭曲晒，以為學歷就係一切。」問到他覺得有甚麼質素學歷更重要，他說全面的人格、足夠的智慧和情緒智商是非常重要，如果沒有這些因素，牛律劍橋畢業其實也沒有意思。

原文鏈接：http://www.orangenews.hk/officelady/system/2019/03/01/010111216.shtml