【識港網訊】

王丹妮前晚出席《女人的故事》短片電影香港放映會，同場還有導演許鞍華、鄭秀文（Sammi） 、蔡穎恩、陳漢娜、李靜儀及許恩怡等。

模特兒出身的王丹妮，首次主演電影《梅艷芳》便有理想票房成績，之前忙於宣傳工作的她，表示今個月終於可以做回模特兒工作，不過之後還要出席幾場電影謝票活動，問到可辛苦？她卻笑說：「我想日日做（謝票），雖然攰，但可以親身同觀眾講多謝，見到大家反應好熱情，我係懷着感恩嘅心去做。」她透露至今已出席接近80場謝票，笑言希望可以衝破100場。問到她老公羅孝勇對她的演出有何評價？她笑說：「老公話『proud of you』，冇特別讚我太多，怕會尷尬，但都有戥我開心。」

聖誕將至，她透露已請了幾日假主力陪家人，屆時並會舉行神秘活動，為女兒帶來一個愉快的聖誕，她亦會做回媽媽的責任，在家中煮聖誕餐。

Sammi表示會跟家人同老公許志安一齊度聖誕，但仍未買禮物，她說：「本身物質已經好豐富，我反而鍾意收到食物，我咁為食，例如牛扒、零食、黑松露薯片等，諗住聖誕可以大吃大喝。」問到會否下廚煮聖誕大餐？她說：「唔會啦，我好懶，加上最近都冇乜入廚，（放棄下廚？）唔係放棄，係暫停，因為我食啲嘢好清淡，其實我都想去進修下廚藝，想學煮中餐，之前曾經煮過東坡肉，但本身喜歡食得清淡。」Sammi又指爸爸的廚藝叻過媽咪，不過她就學不到爸爸的廚藝，而父母以前也有試過她的手勢，爸爸食的時候也有稱讚，但背後就跟媽咪指她成餐飯都偏淡，令她很心酸。

蔡穎恩婚後休息一日復工

新婚不久的蔡穎恩（Evelyn）前晚穿上性感吊帶裙出席活動，她表示婚後僅休息一日便復工，因為婚前接下幾個工作。她又稱今年有很多新開始，除了多了人妻身份，年初又加入新公司。問到Evelyn婚後會否隨即多另一個身份（做媽媽）？她笑說：「睇我今日着呢條裙暫時係仲未有嘅，不過我想講，其實有啲嘢係可以控制到，而結婚之後同老公都各有各計劃，之前搞婚禮已經好攰，我同老公都係結婚前至完成手頭上工作，老公有份做攝影，部電影都係結婚前煞科，而自己都係結婚前啱啱完成工作，直到前日至有機會同老公撐枱腳，暫時都應該唔使諗生BB。」Evelyn又表示雖然搞婚禮要兼顧很多瑣碎事，但當晚的氣氛相當熱鬧，大家都很盡興，亦是她心目中的婚禮。

因疫情關係，Evelyn表示暫未能出外度蜜月，原本打算去酒店Staycation，但因為與老公工作都太忙亦無辦法，不過也不要緊，可趁機工作賺錢，準備新年大派利是，她笑說：「今年要搵錢派利是，以往都係派5位數開工利是，但今年係結婚之後第一次派利市，預計要派6位數，條數有啲襟計，但都係開心事。」Evelyn透露稍後會拍劇集，問到成為人妻後老公可准許拍親熱戲？她笑說：「暫時同老公仍未傾到呢個話題，如果劇情需要都會調節吓，可以考慮去第二個地方拍攝，又或者等電影上映後才畀佢知。」

原文鏈接：https://www.tkww.hk/a/202112/10/AP61b2a3c9e4b07ec0fc4177ff.html