TVB為《聲夢傳奇》及《盛舞者》學員度身打造的青春偶像劇《青春本我》將於周日（5日）首播。而劇中更有不少藝人參與演出，如王灝兒（JW）、吳業坤（坤哥）、王祖藍、鄧梓峰、吳若希、姜皓文等，劇中更有兩對真夫婦飾演父母角色，分別是楊證樺與沈可欣、錢嘉樂與湯盈盈，盈盈樂樂更獻出第一次，在螢光幕前飾演夫妻。

問到《青春本我》導演李敏，錢嘉樂與湯盈盈為何願意獻出第一次時，她笑指：「其實我同嘉樂之前係街坊，依家都住得近，加上志同道合，所以佢一直好支持我呢個青春歌舞心理劇，佢係最早期聽Concept同Demo嘅人。」李敏指鎖定找盈盈演出虎媽一角時，順勢邀請嘉樂拍住上：「其實我之前完全唔知佢哋冇喺幕前一齊演出過，我哋知盈盈本身係好溫柔嘅人，搵佢做虎媽係因為覺得佢口齒伶俐，可以Handle到個角色，然後就順便叫埋嘉樂，嘉樂亦都好爽快就答應。」

日前TVB官方頻道推出《青春本我之最最最最最！》花絮片，一眾聲夢學員在片段中「互爆」大鑊，姚焯菲（Chantel）被封NG王，Chantel知道自己是大家心目中的NG王時，竟嬲至跺腳，相當可愛！而文凱婷（Aeren）笑稱令Chantel頻頻 NG的罪魁禍首是何晉樂（Rock）：「因為Chantel忍唔到笑，佢個角色成日同Rock一齊，但佢一望住阿Rock個樣就好想笑！」另眾人指炎明熹（Gigi）在劇中將會有一場爆Seed場口，但Gigi對此卻完全「狀況」之外，十分符合她的「無厘頭」本色。

原文鏈接：https://m.orangenews.hk/details?recommendId=1131319