闊別五年，容祖兒（Joey）早前推出全新廣東專輯《薛丁格的貓Schrodinger’s Cat》，為答謝歌迷支持，昨晚（24日）便舉行網上新碟首唱會，雖然係網上演出，但場景燈光佈置及樂隊編排都一絲不苟，一小時的首唱會Joey更轉了四個造型，超有誠意！

祖兒表示今次首唱會達成了心願，表示很珍惜可以推出實體唱片的機會，「唱片裏面每一首歌都記載好多自己心裏面想講的事，如果叫我去講好多大道理，其實不懂，好多候只憑直覺諗到就做，所以我會比較鍾意唱歌，因為可以抒發感覺，比較自在。」

祖兒昨晚（24日）舉行網上新碟首唱會

她又特別提到《明天見》是2018年為當時一位剛過世的化妝師好友而創作，但因為疫情關係，對象已變成很多個，「疫情令大家都要分隔兩地，跟屋企人、好朋友或者關係好好的同事、歌迷，都未必像以前成日可以見面，但我好相信好快可以明天見，亦希望再見面時，我們可以更好。」首唱會最後除播出祖兒跟歌迷的互動，更有她綵排《明天見》片段，只見她邊唱邊哭，場面感動。

首唱會完結後，祖兒繼續大派福利來一個「after party」，立即開IG Live，阿Sa蔡卓妍更為她任客席主持，不過因為沒有化妝，所以只好「見聲唔見樣」留在幕後。雖然身處幕後，只見阿Sa不時為祖兒整理頭髮，又十分留意她上鏡的角度及位置，儼如一位直播的導演，十分稱職。直播期間，只見祖兒面紅紅，有網民即問：「你飲咗酒？」祖兒直言：「有咁覺咩？好少啫，開心吖嘛。因為其實呢個演出想做好耐，隻碟又做咗好耐，所以可以做咗個show俾大家聽，好開心。」祖兒又透露錄影首唱會當日天氣十分寒冷，錄影時間更由下午到零晨十多個小時，認真辛苦。網民又問到阿嬌鍾欣潼在哪裏，阿Sa表示她已返了屋企，「佢好攰呀，佢喺屋企睇，頭先佢有喺度吔飯㗎。」

原文鏈接：https://m.orangenews.hk/details?recommendId=1130744