【識港網訊】藝人佘詩曼前排因為一個網紅「美顏濾鏡」搞到驚變「蛇精女」，就連佢本人都畀自己個樣都嚇親，證明咗美顏並唔係個個人適用，近日再有女藝人因為「網紅濾鏡」而走晒樣，呢位受害者就係Angelababy（楊穎）！

話說抖音喺大陸好受歡迎，Angelababy亦跟上潮流玩埋一份，最近佢就同朋友一齊拍片，見到佢同朋友戴住兔仔帽，隨住音樂郁隻兔仔耳賣萌。本來一段賣萌片都冇乜問題，但問題在於Angelababy用咗「美顏濾鏡」拍攝，搞到佢原本已經夠大嘅雙眼變得更大，下巴更加尖到相當離奇，一秒變「蛇精女」！

唔少網民睇完條片都直言認唔出Angelababy：「這濾鏡是變臉魔術」、「說真的，我還真沒看出那個是Baby」同時網民認為佢本身唔使用濾鏡已經夠靚：「漂亮的人用美顏相機容易變外星人」其實佘詩曼同Angelababy都分別成為「美顏濾鏡」嘅受害者，睇嚟真係靚嘅女仔係唔需要呢啲濾鏡嘅「加持」！

原文鏈接：http://www.orangenews.hk/officelady/system/2019/02/19/010110321.shtml