【識港網訊】暑假是學生哥的天下，家長都盡量滿足孩子的願望，讓學生可以釋放返學時累積的壓力。如果你的小朋友是蠟筆小新迷不妨到尖沙咀的「点心代表」探訪一下，其三年前推出過蠟筆小新點心，Fans反應超熱烈。今個暑假（即日至10月14日）再推出蠟筆小新主題點心＋甜品，整個蠟筆小新餐單都是全新設計，加上配合2020年東京奧運會運動元素，又保留了惡搞元素，符合小新得意搞笑的人物性格。而且，還可看到小新和朋友仔在運動會上舉啞鈴、踢足球等，看到非常趣致的點心造型，特別開心，對一家大細的家庭客有一定吸引。

新推四款主題菜式

今年，蠟筆小新餐單都是全新設計的，共有17款點心、2款飯類、7款甜品和4款飲品，近三個月的最新款式是：小新舉鐵炸雲吞（HK$59）、蝦餃、腸粉、鹹牛肉芝士西多士（HK$69）等，而腸粉均以新西蘭龍脷柳作餡，蝦餃上印了賴床中的小新；腸粉上有小葵和小白在睡懶覺得好意，唔捨得食！餡料有越南原隻大蝦、帶子和蟹柳。而三兄弟鮮蝦餃，小新同埋阿呆、正男三個齊齊瞓喺度，入面包着越南原隻大蝦和手打豬肉，並混入秘製豬油做成。

原隻鮑魚燒賣（HK$79）燒賣以本地鮮豬肉混越南大蝦作餡，面頭再放了日本原隻鮑魚，比一般的燒賣更巨型。

曖昧朱古力流沙包（2個）HK$49/ 籠；不理不理左衛門奶黃流沙包2個（HK$49/ 籠），流沙奶黃餡用秘製鹹蛋黃，混合了好立克粉、煉奶和鮮牛油，鹹香得來不會膩。

而甜品種類更多，包羅了香脆牛油蛋撻（HK$49）、 雪耳陳皮燉雪梨（HK$39）等；還有，推介動感屁屁奶凍（HK$49），小新招牌的滑嘟嘟、震騰騰的pat pat也在甜品中登場，pat pat下面的奶凍用日本3.6牛乳和淡奶油混合日本魚膠片！另外，在飲品方面，原個菠蘿特飲（HK$59）及原個西瓜特飲（HK$59）等不容錯過。

地址：尖沙咀彌敦道100號The ONE 3樓L308號舖

網上訂位：www.dimsumicon.com.hk