【識港網訊】男團MIRROR人氣王姜濤去年11月因參加籃球賽受傷，需要入院做手術停工休養，年初曾現身叱咤頒獎禮，不過表演失準加上身形暴漲，引來大批Haters圍插，令姜濤再次「潛水」休養。

姜濤的體重一直起起落落。（圖：keung_show@IG）

雖然姜濤在叱咤的表現備受抨擊，不過亦無阻他的人氣，最近加拿大中文電台公布「加拿大至HIT中文歌曲排行榜全國總選」賽果，姜濤冧莊獲頒「至HIT推崇男歌手」大獎，並憑歌曲《風雨不改》獲得「專業推崇10大粵語歌曲」。

姜濤冧莊獲頒「至HIT推崇男歌手」大獎。

姜濤雖然未能親身領獎，但特別以錄音向大會及樂迷致謝，他說：「好多謝加拿大中文電台頒呢兩個獎，我記得之前都有攞過呢兩個獎，原來係所有DJ同樂迷投票選出，多謝佢哋一直咁支持我，真係估唔到，因為第一年攞嘅時候老實講冇乜太大概念，依家攞咗令我霎時諗起原來大家一直默默支持我，呢樣係好感動！我會努力㗎啦，唔會令大家再失望。」有「姜糖」稱可以聽到姜濤的聲音，知道他安好，比攞奬更加珍貴同感動。

圖：加拿大中文電台、keung_show@IG