【識港網訊】張栢芝曾與謝霆鋒有過一段婚姻，育有大仔Lucas、二仔Quintus，2012年兩人離婚，自此栢芝便成為單親媽媽，而2018年栢芝更突然宣布誕下第三胎兒子Marcus，不過生父身份未有對外公開，栢芝的感情生活亦成謎。但身為人母後的栢芝，用心照顧兒子，作為廿四孝媽媽，栢芝今晨（8日）在社交平台發文，稱因為送兒子返學擔心到睡不著！

今天（8日）張栢芝在凌晨近4時，於社交平台發布了一段影片，表示突然要早起床非常緊張，她稱：「我都估到我會早咗起身，我今日好緊張，我有一個好大使命，我要（叫）啲仔返學，佢哋要6點半起身，我5點鐘要叫醒你哋，所以我好早瞓。」

最後栢芝都是睡不著，笑言由3點多要堅持到6點，更把握時間煮早餐給兒子們，她稱「我永遠比佢哋更緊張，今日又要驚佢哋唔記得帶呢啲又驚佢哋唔記得帶嗰啲，不過都好開心每年今天我都被欽點送他們返學的一個司機。好開心佢哋永遠都覺得有我送嘅，佢哋好有安全感同埋我係一個永不遲到嘅司機，好，咁即係我兩個仔咁相信我。」