【識港網訊】

ERROR成員193（郭嘉駿）與朋友夾分的咖啡店本月正式開業，吸引半百粉絲「老婆」來排隊支持，雖然吸引唔少人慕名幫襯，但有食客投訴食物貨不對辦，據知他的cafe店開業三日就突然煞停。

193有份合資的Tanuki Coffee，被指裝修風格及主打的三文治，都與韓國的「EGG DROP」相似，193曾指Café是「呃錢」，而一份雞蛋三文治要$98元，有唔少網民指味道普通。而適逢復活節連假，吸引大批「33老婆」專程到到場支持。有食客指單是排隊就排了一小時以上，不過食物普通，亦有網友指193出售的麵包由某間麵包店供應，只需約$20元，但店內卻賣$55！

最近更有食客在網上投訴193的咖啡店又貴又唔好食，樓主表示花一小時排隊買了一份招牌三文治，但實物與圖片完全不符，三文治只得表面堆滿了餡，下面卻是無餡料的齋包，與圖片看似足料完全不符。雖然193曾透露新店「明呃你錢」，早前接受傳媒訪問時笑指香港人喜歡速食，更叫粉絲「坐十分鐘好走」，但新開張期間，店內限坐60分鐘。

據知193的cafe店開了3日，食材超出預算，但由於撞正復活節假期，供應商不送貨，只好關門一日，待食材補給完再重開。對於一心撐場的「老婆」們撲空，193稱會與同事開會檢討。

圖：deniskwok193、tanukicoffeehk@IG、連登討論區截圖