【識港網訊】譚仔雲南米線（譚仔）近日推出母親節限定米線，更邀請七仙羽師傅拍攝宣傳片，她更化身「譚仔姐姐」與分店經理進行見工面試，以流利譚仔對答大放笑彈：「我平時對吃好講究，最愛係七小辣，就係先食四小辣，再加三小辣！」

七師傅為求面試成功，力讚自己優點時笑料百出：「我口甜舌滑，比新推出嘅米線湯底還要甜，仲冧到不少客人，最緊要食得開心啫。」最後她更華麗轉身化身「譚仔姐姐」向一對母女食客推介米線！

七師傅對於今次拍宣傳片的酬勞坦言非常滿意，並享受整個廣告拍攝，自言：「因為我單純同善良嘅形象先被睇中，成個拍攝過程好開心，我覺得自己好合乎資格做『譚仔姐姐』，相信食客見到我都食得特別開心。」

七師傅曾在外國留學並取得碩士學位，除了現職身心靈教學與電視節目主持工作外，同時又是暢銷小說作家、專欄作家，有中醫師資格和自然療法醫師資格等等，說到張張刀張張利，她表示學海無涯，最愛不同的嘗試：「女人係善變，我最愛嘗試，而我喺外國生活咗一段長時間，性格比較直接，而且我唔覺得自己有搞笑天份，只係我說話比較真比較直，越認真越專業做事，都會變成一個笑話或笑片。」七師傅明白香港人壓力大，直言帶給大家歡樂是開心事：「令到香港人輕輕鬆鬆，不論鬧我又好，笑我都好，絕對冇問題，我以講得一口流利譚仔話而自豪。」

原文鏈接：https://m.orangenews.hk/details?recommendId=1112204