【識港網訊】近排無綫出現一股男扮女裝嘅熱潮？繼藝人李嘉喺處境劇《愛．回家之開心速遞》扮女人後，敖嘉年同黃建東噚日分別喺社交網上載扮女人嘅相，相中見到戴上黑色長直髮嘅敖嘉年對住鏡頭嘟嘴賣萌，仲擺埋心心手勢，認真Kawaii！而佢仲留言話：「今天很開心，我的孿生妹妹終於可以出嫁。My twins sister getting marry」唔知係咪嚟緊新劇造型呢？

至於黃建東則以一身貴婦裝示人，原來佢即將拍攝全新綜藝節目，相信呢個係節目其中一個造型，佢更講笑指自己似張曦雯，兼係咁畀人問做乜又扮女人！不過唔少網民都話黃建東似足劇集《先生貴姓》入面羅嘉良反串嘅Diana，大讚佢愈嚟愈索添！

原文鏈接：http://www.orangenews.hk/officelady/system/2019/08/12/010123635.shtml