【識港網訊】藝人何廣沛與朱晨麗兩年前合作劇集《超時空男臣》傳出緋聞，雖然二人一直未有承認戀情，但不時在社交網放閃，網民亦希望他們能夠公開戀情，到了今日（8號）有報道爆出二人蜜遊泰國！

無綫早前亦安排他們合作新劇《大醬園》奉旨談情，二人在拍攝期間不時放閃，除了趁「520」晒「打者愛也」合照外，朱晨麗於何廣沛31歲生日（8月3日）當日於社交網上載「拜堂照」賀壽。

除了隔空傳情外，今日有報道爆出何廣沛和朱晨麗去泰國旅行，據讀者爆料指二人以「黑白配」示人，何廣沛戴上黑色Cap帽；朱晨麗則戴白色Cap帽，他們均沒戴口罩掩人耳目，相當大方。至於二人雖正值上位期，但仍選乘經濟客位，十分慳家，其後兩人在機場等行李時，朱晨麗亦落手落腳幫手搬行李。

對於「蜜遊泰國」一事，朱晨麗透過短訊回覆：「今次係10幾個朋友一齊去泰國玩，幫何廣沛慶祝生日（公開戀情？）大家都係了解中嘅朋友，多謝關心！」至於何廣沛同樣表示二人是了解中的朋友，現時事業為重。

原文鏈接：http://www.orangenews.hk/officelady/system/2019/08/08/010123358.shtml