【識港網訊】內地女星迪麗熱巴有樣有身材，演技仲有返咁上下，加上性格開朗討好，喺內地擁有超高人氣，甚至畀唔少人視為「完美女神」。不過原來上天係公平嘅，迪麗熱巴日前參與《極限挑戰》公益演唱會，就狠狠打破自己完美嘅形象，皆因佢一開金口唱歌，就成功嚇窒唔少人！

迪麗熱巴喺公益演唱會上挑戰台灣天后蔡天林嘅《騎士精神》，以一身暗黑騎士造型現身嘅佢充滿氣勢，點知一開口即刻崩壞，從網上曝光嘅片段中，清楚聽到迪麗熱巴唔止跟唔到拍子咁簡單，仲走晒音兼唔記得歌詞，唱到似唸經！

唔少網民都畀迪麗熱巴嘅Live「震撼」到，恥笑佢五音不全，係KTV都會嫌棄嘅水平，反問佢點解要唱歌，仲認為蔡依林嘅粉絲會聽到喊添！另外亦有人講笑指迪麗熱巴唱嘅歌詞「那些令人刺耳的聲音　我不聽　我不聽」正正唱出大家嘅感受。

不過有網民認為迪麗熱巴唔係專業歌手，而呢首歌本身就唔易唱，唔應該將標準定得咁高，並大讚佢肯真唱勇氣可加！

原文鏈接：http://www.orangenews.hk/officelady/system/2019/07/15/010121415.shtml