【識港網訊】藝人黃宗澤（Bosco）嘅演藝生涯入面有過一段黑歷史，就係做歌手嘅嗰段時間，歌藝麻麻嘅佢喺10年前《2008年度勁歌金曲頒獎典禮》同歌神陳奕迅（Eason）合唱《K歌之王》，憑住唱到似哮喘兼走晒音嘅「超水準」表現，令網民到而家為止仍津津樂道，唔少人更認為「樂壇欠黃宗澤一個交代」。事隔10年Bosco終於捲土重來，再戰樂壇！

事緣Bosco最近獲廣告商邀請拍廣告，他亦將《K歌之王》改編成全新單曲《發夢之王》，道出10年追逐唱歌夢嘅動人經歷，而他亦重提當年被人恥笑嘅「惡夢」，當中不乏自嘲嘅歌詞如「我把聲比較特殊，你別皺眉」、「我已經失去自由，禁絕唱K」等，至於MV則以瘋人院做背景，講社會上唔領域嘅追夢人，如何受盡外界冷嘲熱諷，但憑住眾人恥笑我續追嘅精神，努力追求夢想，相當正面。

新歌推出後惹嚟唔少網民迴響，大讚佢誠意十足，更有邊度跌低邊到起返身嘅精神，支持佢真．復出樂壇，仲話要推出拎叱咤「最受歡迎男歌手」添！

原文鏈接：http://www.orangenews.hk/officelady/system/2019/07/12/010121218.shtml