【識港網訊】游學修與盧海鵬日前為ViuTV新劇《仇老爺爺》拍攝，游學修笑指今次邀請鵬哥出山，認真大面子，不過就自爆成日畀鵬哥鬧，笑言：「已經習慣晒，佢鬧嚟鬧去都係嗰啲嘢，開始會覺得佢個人好友善。真係講你都唔信，拍到煞科日，鵬哥收工嚟拍一拍的，成套劇最親密就係呢一刻，可能佢開始覺得呢個o靚仔係認真做野，開始認同我。」

游學修就表示自己未試過去外地拍戲，難得做導演自己話事，決定前往菲律賓帛琉取景：「嗰度真係咩都冇，冇人識嗰度，所以人流好少！我地去到都唔習慣，當地九點鐘未到，所有舖頭都關門，不過後來都適應晒，好舒服。」

鵬哥就提到去帛琉拍攝好辛苦，幾日已經曬到黑：「地方就真係好靚，可能佢地就鏡頭啦，我地就辛苦囉，眼都撐唔大！（游學修做導演得唔得？）評分要比九十幾分，越拍越有勁，又有進步，好好啦！（想唔想再拍劇？）而家真係好難講，因為自己年紀大啦，所以要好劇本而有需要我呢個角色先會考慮。」

原文鏈接：http://www.orangenews.hk/officelady/system/2019/07/03/010120595.shtml