【識港網訊】組合發展到一個地步,成員開始各自發展似乎是正常不過的事,Super Girls成員吳嘉熙(Cheronna)去年率先在音樂上單飛,先後推出單曲《把持》和《你的你》,到了今年再有第三首個人單曲《無利可圖》面世,音樂路上的發展比其他成員順利。
不會出一隻個人作品便圓夢
能夠接連推出個人單曲,證明公司也認同其單飛的潛力,Cheronna坦言首次單飛時有種感覺是第一隻歌是用來試水溫,後來卻發現自己無論如何都定要向個人歌手發展:「入行一直以嚟個夢想係可以有屬於我自己嘅音樂路,我唔會出一隻歌就圓夢,就算Super Girls行到一個位,我都唔放棄自己一個人嘅音樂事業。」
Super Girls成就了自己
雖然夢想是有屬於自己的音樂路,但Cheronna認為有今日的發展,全因Super Girls四位姊妹的陪伴:「喺Super Girls入面我學到另一種團隊精神,冇同佢哋一齊經歷嘅嘢我唔會有今日嘅自己,好似學識喺舞台上面點執生、宣傳應該點做等,全部都係喺組合嘅時候學。」Cheronna坦言單飛時所受的壓力比組合時候多,不過她覺得不可以永遠留在組合的舒適圈內,要行這段路迫自己成長,而自己最大的改變的變得更大膽,以及不如以往般依賴他人。
個人發展和Super Girls
個人發展是夢想,組合卻是成就自己的重要一環,對於Cheronna而言,兩者要取其一簡直是世紀大難題:「我覺得兩樣都好緊要,因為冇Super Girls唔會有Cheronna,所以我必須需要Super Girls,係生命裏面好緊要嘅嘢。我唔可以冇咗我自己,但同時係佢哋造就而家嘅自己,所以你要我揀我真係揀唔落,我會希望並存。」
首次挑戰作曲
作為歌手總希望為樂迷帶來新鮮感,Cheronna於今次新歌中首次挑戰作曲,她坦言一直有作曲念頭,可惜對自己沒有信心,就算有錄起一些創作都未敢給他人聆聽,幸得監製陳考威給她機會嘗試:「呢個經驗好難得,係個好開始,同埋當一啲平台播我隻嘅時候,見到作曲有我個名喺到,我覺得我做到喇,原來我係可以嘅!」
Cheronna透露這次的嘗試是第一次卻絕不會是最後一次,而她希望日後可以有作品是全部由自己創作,至於她的最終目標則與很多歌手一樣,擁有一張屬於自己的個人專輯:「我好想擁有一隻自己嘅專輯,而且唔止想有一張,我好想證明畀大家睇我真係好想KEEP住有音樂、做音樂呢樣嘢,所以我好想有一張屬於我自己嘅唱片,裏面嘅歌全部都聽得出Cheronna吳嘉熙嘅音樂,我更加希望係呢張專輯嘅歌入面我可以參與大部分,而家係第一隻,我希望之後每一隻我都可以參與。」
拍攝、剪接:譚健斌
髮型:Calvin Tsoi @HAIR SALON
場地提供:deHUB
原文鏈接:http://www.orangenews.hk/officelady/system/2019/06/17/010119240.shtml
![](../../../../images/user.png)
![](../../../../images/m01.png)
![](../../../../images/m02.png)
![](../../../../images/m03.png)
![](../../../../images/m04.png)
![](../../../../images/m05.png)
![](../../../../images/m06.png)
![](../../../../images/m07.png)
![](../../../../images/listbar_shd_b.png)
![](../../../../images/listbar_shd_b.png)