【識港網訊】

由張惠雅（Regen）、張紋嘉（Crystal）和黎美言（Winkie）組成的女子組合Hotcha拆夥8年，成員們早已各有各發展，不過想不到她們再見不是朋友之餘，近日仲互相翻舊帳，數落對方是非。先是Regen出新歌接受電台訪問時，談及HotCha往事燃起導火線，然後Winkie在IG鬧爆對方無品兼自私，借講是非來為新歌做宣傳。25日Winkie出席活動時又將矛頭轉向Crystal，更爆喊指對方才是傷害她最深的成員。

日前(25日)Winkie出席遊戲節目《女皇課室》活動，聲淚俱下的表示︰「其實最傷害我心嘅人並唔係佢（Regen），係張紋嘉，但佢對我做過啲乜傷害，我呢一世都唔會講，到死嗰刻、入咗棺材都唔會講」，談到三人關係之所以如此惡劣，她說︰「我相信主要係利害嘅關係引起，佢哋成日都會同人哋強調話好難頂得我順，話我好臭寸，大家相處嘅時候，總會對我單單打打。」

對於Winkie的指控，一直封口的Crystal終於在IG story上載了一段文字，表示：「多謝大家關心，明白大家需要我嘅回應，我只係希望大家好好生活同平安，有關嘅說話同評論日後都唔會再講，希望大家體諒。」

圖︰IG@quicheung，winkielaimy