【識港網訊】

歌手鄭欣宜昨晚（24日）於CHILL CLUB勇奪「年度女歌手」金獎，對於獲獎欣宜稱屬意料之外，有傳媒見她身形瘦了不少，被問及是否為愛減磅，但欣宜否認，稱減肥只是為穿更多靚衫。

另外，欣宜將於6月11及12在紅館開演唱會，她透露為個唱積極減肥：「因為我第一次開演唱會好黑仔，跌斷腳，唔可以操練同做運動，開騷前得一個月時間鍛煉，其實唔關肥瘦事，而係體力問題，所以今次我好注意飲食，同埋做大量運動，包括打泰拳、請私人健身教練又學跳舞，我唔想再畀身體或者任何事阻礙我，我要發揮得最好，我要炸爆舞台，跳到甩肺！」

對於有指她為新戀情而減磅，她否認：「唔會！我只會為著靚衫而減肥。」被問及是否與舊愛Derek舊情復熾？欣宜稱：「我會用音樂分享秘密，如果大家想知就要嚟睇我嘅騷。（男友會唔會嚟睇騷？）大家留意喇！」問到對方是否傳聞中的花店老闆，欣宜則笑笑口稱：「我超鍾意花！」似乎默認戀情。

圖：ViuTV@Facebook，princejoyce@IG