【識港網訊】「2023英皇電影巡禮」於昨日舉辦。巡禮上播放了《金手指》、《爆裂點》、《內幕》、《海關戰線》4部今年上映的電影宣傳片及公布來年的大製作。其中，《金手指》是梁朝偉、劉德華繼《無間道》系列後再度合作的新片。

梁朝偉與劉德華及阿Sa於會後一起受訪，偉仔與華仔相隔20年再合作演出莊文強執導的電影《金手指》。 偉仔表示與華仔再度合作， 覺得很愉快又好夾。問到拍攝期間有什麼難忘事？偉仔說每次都有難忘事：「由《鹿鼎記》到《無間道》，每次華仔都有難忘事畀我，（今次又有何難忘呢？) 今次正邪調轉，我做反派，似老千、梟雄、詐騙案主腦人物，（你被打到血流披面？）我唔記得喇 。」

華仔大讚影片剪接及風格幾特別，至於再次跟偉仔合作，他指偉仔從影以來大部分都是演好人，而今次偉仔的角色是活在自己的世界中並不覺得自己是壞人。偉仔解釋其角色是利用制度漏洞去搵錢。 他們又異口同聲表示覺得大家都成熟了。

二人經常演對立角色，問到下次再有機會合作，可會想演同一陣線？他們不約而同說：「也可以。」 偉仔表示二人平日各有各忙 ，私下不是經常見面，不過華仔有時會約他食飯又送紅酒給他。 問到華仔可有恭喜偉仔得獎？華仔說：「已經恭喜咗偉仔，會再約食飯再送紅酒。」阿Sa就笑說：「我就送白酒。」 她表示能夠跟兩位影帝合作好開心，至於可有被他們電暈？她笑言盡量唔諗。問到她在兩位影帝身上學到什麼時，偉仔就笑說：「學到時遲到、偷雞、駁導演嘴。」 阿Sa就指成個氛圍都好投入到角色。

問偉仔可會效法華仔做監製？偉仔說：「我好享受做演員，冇諗其他。」

再問偉仔說拍Netflix劇一事，他昨日改口說：「突然又唔想工作，想放多一年假。」問到華仔可羨慕偉仔放假？他就：「我現時都放緊假，平時兩個月都會放一次， 攝下攝下都有好多假期，不過就冇偉仔放得咁長。」