【識港網訊】ViuTV新劇《I SWIM》正式播出，由於故事與校園生活及游水有關，令不少粉絲相當期待。在今晚播出的一集，吳海昕（Sofiee）將拍攝跌落水情節，呂爵安（Edan）英雄救美將Sofiee救起，由於Sofiee不諳水性，為安住起見，足足排了50幾次才正式拍攝，Edan笑言拍攝場面混亂。

今晚播出的《I SWIM》，吳海昕（Sofiee）會有跌落水情節，呂爵安（Edan）英雄救美將Sofiee救起。不諳水性的Sofiee埋位前與導演多次巡視環境，她坦言做足訓練，加上攝影組已安排救生員及拯救設備，令她安心做戲：「呢個泳池大概有三米深，對於唔識游水嘅人嚟講，係幾驚嘅！我地之前排到好足，大概跌過50幾次，不過如果唔可以一Take過就會好浪費時間，因為要吹乾翻個頭重拍，加上我都唔想吹咁多次，所以呢刻有啲緊張，係成套劇最驚嘅一幕。」幸好Sofiee都順利完成，當導演一停機，Edan更游過去給她「借力」，工作人員亦跳下水以防發生意外！

上水後Sofiee自責「跌得唔靚」，幸好導演收貨，自言心跳加速到爆燈：「依家好似練完水咁，個腦空白咗咁！」 講到「英雄救美」場面，Edan笑言場面混亂，未及了解Sofiee已被救上岸：「因為佢好『浮』，我都未抱到佢已經上咗去！今次拍呢部劇都狂操，加上怕受傷所以一有時間就要做運動，今次運動量好大，不過返工可以做運動，覺得自己身體係好咗嘅。」

圖：ViuTV