【識港網訊】麥浚龍（Juno）新歌《我在切爾諾貝爾 等你》自推出後引起廣泛討論，樂迷更推測《The Album》三年企劃中董折及浦銘心的結局將會如何劃上句號。於今日（19號）中午12時推出的《我在切爾諾貝爾 等你》MV，就進一步披露董浦兩大角色的更多細節。

Juno再次為MV執導，構思了一個在切爾諾貝爾當地時鐘酒店與女妓發生的故事，是源於董浦故事開端就是在時鐘酒店裡面發生。Juno說：「喺《勇悍‧17》裡面，兩個角色喺香港一間Motel中相遇。到最終章想轉換場地，但同樣想畀返觀眾一份親切感，所以嚟到董折嘅中年，都係喺一間Motel，但人物時間處境都變遷了。」

切爾諾貝爾原是核電廠災難，至今雖然可以前往遊覽，但前往拍攝工作的話仍有一定限制，Juno分享道：「有閃過要去切爾諾貝爾拍攝呢個念頭，但因為輻射，好多工作人員要喺當地逗留一段長時間，安全係最大問題。」

不過Juno 13年前已很留意切爾諾貝爾的新聞、文章、電影、電視劇或紀錄片，他甚至收藏有關當地的相集，所以即使未曾到訪當地，他對於為MV營造當地的空間感也手到拿來。雖然未能前往切爾諾貝爾拍攝，但場景的成功塑造令畫面予人北歐的那份冰冷淒美外，參與演出的女Model也為MV帶來了想不到的震撼。

Juno在眾多女Model中揀選了現在的人選，巧合地對方正是烏克蘭人，而拍攝當日Juno與女Model詳談時，才知她正是核洩當晚出世，Juno感嘆這個奇幻的偶遇，更透露：「女Model話呢個本應係佢嘅生辰，係好開心嘅時刻，但對於當地人嚟講，就係好哀傷嘅一日。」

如果有細心留意，在《勇悍‧17》MV內的董折身形較臃腫，但來到《我在切爾諾貝爾 等你》MV的董折，身形瘦得活像是兩個人，原來Juno特意為今次拍攝刻意減磅，這全因董折一角在早期患有躁鬱症，Juno經過資料搜集，知道服用任何精神藥物都會令人容易腫漲起來，所以他為了塑造角色，以一個健康的方法慢慢地減磅。Juno說：「為電影增磅減磅例子好多，但電影以外咁做，好多人會覺得唔值。今次《The Album》游走喺音樂、影像同文字之間，我只係將減磅呢個只係喺電影裡面發生嘅事，搬咗去音樂企劃裡面做。」

Juno構思了一個在切爾諾貝爾當地時鐘酒店與女妓發生的故事（圖：THE OFFICIAL JUNO MAK 麥浚龍＠Youtube）

由於《The Album》是一個三年企劃，Juno便可以以年月去承載增磅減磅的明顯分別，令董折一角更見立體，不過今次減磅，Juno卻發現了一個壞處！他說：「我由著開L碼變成著XS碼，而家所有褲都唔啱著，要開始纜吊帶。」

橙新聞：https://www.orangenews.hk/officelady/140131.jhtml