【識港網訊】藝人周秀娜為彭秀慧主持的香港開電視節目《自煮女人最漂亮》擔任壓軸嘉賓，期間周秀娜透露自小腸胃麻麻，試過入醫院洗胃、吊葡萄糖水，又提及年青時曾過度減肥。

周秀娜雖然身材窈窕，卻是“食得”之人，飲食習慣亦並非健康，最愛吃零食、薯片、炸雞、薯條、漢堡包等油膩食物，看似“食極唔肥”的她，原來小時候有過“肥妹”的匿稱，令她大受打擊，從小學便開始減肥，未知是否因此而令腸胃變差：“細個兩頰胖胖，後來開始貪靚，小學五、六年級，我一向覺得自己生得還可以，只係有啲肉，但唔算肥，不過有個女同學嘅哥哥幫我改咗‘肥妹’嘅花名，令我自信大受打擊，嗰陣我知自己要減肥，食量大減之餘亦變得挑食，可能因為咁令腸胃變差。”

周秀娜又自爆腸胃十分敏感，遇上食物稍有不當，便馬上出現反應，她表示：“試過同親戚嘅小朋友一齊返學，喺沿路嘅小食檔食早餐，食完佢哋全部肚痛，但返屋企休息就冇事，唯獨我最後要入醫院吊葡萄糖水、洗胃，好可怕，記憶猶新。”

周秀娜出道初期因寫真集而聲名大噪，現時她亦不排除再拍寫真：“都會想拍，可能會選擇用嚟去紀念某一件事，就會拍一輯寫真啦。”彭秀慧就舉例，可能是周秀娜要結婚，就作為婚前的“最後一擊”。

原文鏈接：https://m.orangenews.hk/details?recommendId=139955