【識港網訊】藝人張致恒（Steven）去年捲入桃色風波致形象破產，幸得太太區燕雯不離不棄，二人婚後更育有兩子，一家四口相當溫馨，而Steven成為人夫和人父後更修心養性，盡好老公好爸爸責任照顧家庭。今日（3號）正是Steven與雯雯結婚一周年，Steven特意於社交網發文答謝太太，並對以往傷害太太感到後悔，承諾用一生報答太太對他的愛。

Steven於留言中表示：「今日係我同佢嘅大日子，結婚一年了，我好想多謝我老婆用一個無私嘅心去接受我嘅一切，當初我把事情搞到咁大，但係佢仲原諒我，其實一開始我講咗無數咁多嘅大話嚟呃佢，佢一直都以為我分咗手，所以先同我一齊，直到所有事情爆煲，佢先知道原來我仲未分手。」Steven指這一年以來太太很多時候想起自己對她做過的事，都會自己一個人哭泣，當他看到太太這樣都十分心痛，亦後悔自己做過的錯事：「好多謝老婆用咗一年嘅時間去改變咗我呢個心，我會用一世承諾嚟報答返你對我嘅愛。」

最後Steven亦向太太喊話：「老婆，雖然係呢一段時間我哋好窮，過得有啲辛苦，但係我會繼續努力去搵錢，畀一個更加舒適的生活你哋，你同兩個仔先係我最大嘅動力，喺嚟緊嘅日子我只會令你笑唔會再令你喊，我會努力去面對我嘅拖延症！我愛你啊 區燕雯」

同時Steven又上載結婚周年紀念日的「特備節目」影片，原來是太太為他唧黑頭，片中見到他一邊抱著細仔餵奶，一邊讓太太唧黑頭，雖然Steven痛到不斷大叫，但仍坐定定任由太太處置，而雯雯則被老公逗得相當開心，洋溢著甜蜜的感覺。

橙新闻：https://www.orangenews.hk/officelady/136015.jhtml