【識港網訊】藝人黃宗澤（Bosco）、吳卓羲（Ron）、關智斌（Kenny）聯同周秀娜、吳千語等主演的網劇《戰毒》正於「黃Viu煲劇平台」熱播，當中Bosco與周秀娜、羅嘉良的三角關係錯綜複雜，而Bosco與周秀娜的連場親熱戲，比劇中的槍戰、飛車更加激烈，就連周秀娜都笑言是入行以來咀得最激烈的一套劇！

飾演反派的周秀娜跟「臥底」的Bosco，在劇中有一段令人熱血沸騰的感情戲，周秀娜更大讚Bosco是位好對手，首度跟對方合作已火花四濺、默契十足。她憶述首次與對方拍第一場戲已是親熱戲，因為未熟悉對方而有點尷尬：「不過Bosco好好，未埋位時會跟我傾劇情、點做點做，就算有身體接觸，佢亦會預先話我知、好顧及對手感受，令我喺拍攝過程感到好放心，佢非常專業。」

周秀娜與Bosco於劇中有多場咀戲及床戲，每次都咀得十分肉緊，她也直言是入行以來咀得最激的一套劇：「由第一日開工到最尾，幾乎每日都有咀戲，咀得太多，最後錫到好純熟⋯⋯可能錫得太激烈，每日收工嘴唇都紅紅腫腫！所以我同Bosco都講笑，互相指對方是錫得最多的對手，由最初錫得尷尬，到最尾冇晒感覺⋯⋯無論如何，大家都係為部劇。」

除了和Bosco咀出愛火，周秀娜在劇中亦會跟羅嘉良有一段情，對於能跟「前輩級」的嘉良合作，周秀娜大表興奮表示：「嘉良哥係我好鍾意嘅演員之一，我好鍾意看佢嘅劇集、角色。今次嘉良哥嘅角色很威嚴，但當導演一叫Cut，他即大爆幽默感，不時講笑，令整個拍攝現場氣氛好輕鬆，大大減低我緊張嘅感覺，而且佢好專業，事前做足功課，喺劇本上mark好多字，好值得學習。」

橙新聞：http://www.orangenews.hk/officelady/system/2020/07/29/010156722.shtml