【識港網訊】TVB台慶劇《美麗戰場》集結5大上位小花，包括陳瀅、劉佩玥、陳曉華、蔣家旻及朱晨麗，12日講到家寶（陳瀅飾）父親去世後，一班街坊債主去安老院找劇中陳瀅的嫲嫲（程可為飾）追債，嫲嫲得知兒子死訊更嚇至暈倒，而陳瀅因父親欠債而煩惱，更因為發現趙生（麥秋成飾）另有女伴想借此威脅得到金錢，後來趙太（唐詩詠飾）決意解僱家寶。

劇情講述家寶（陳瀅飾）到趙太（唐詩詠飾）及趙生（麥秋成飾）的家中為其女兒麗麗補習，趙生一家看似和睦恩愛，但隨著家寶撞破趙生有外遇起了暗湧……某天趙太忽然通知家寶已遭解僱：「因為你睇咗一啲你唔應該睇到嘅嘢。」正當觀眾與家寶均以為是趙生「滅口」，劇情卻大反轉，原來家寶當日拍下了趙生偷食照片並勒索30萬，趙生因而向趙太自首，趙太寸完趙生一輪後，即著手處理「蘇州屎」。她先向家寶表明立場：「你估我第一次知道我老公拖住第二個女人？咁多年佢出面有幾多女人，我會唔知道咩？」並指解僱她是因為知道趙生對她有意思，並霸氣十足指摘家寶：「我好了解你呢啲表面好純情，但裏面充滿住機心嘅女仔」、「唔使再擺你呢個無辜樣喇，如果你真係清高，點解問我老公攞錢？」

詩詠與陳瀅該幕「講數戲」惹起網民高度關注，除了大讚劇情別具張力，更大讚詩詠升呢「媽咪」有道理：「唐詩詠宣萱上身？」、「成套劇最醒女人係唐C」、「唐C演阿太、媽媽角色啱番佢年紀，睇得幾舒服」。網民又指同情家寶黑化是為勢所逼，並指有感她日後即使變奸也似是另有內情，因而對家寶日後黑化劇情大感期待。

貴為視后的詩詠這次特別客串《美麗戰場》全為了撐好友葉念琛。相識接近十五年的二人，因電影《我的最愛》結緣，之後合作過《我要發達》、《我的情敵女婿》及《阿索的故事》，詩詠在《阿索》中的角色亦叫阿寶。詩詠受訪時大讚葉念琛對她照顧有加，並答應讓她一日內完成所有拍攝。詩詠早前接受無綫娛樂新聞台訪問時，直指葉念琛找她演趙太全因覺得她夠惡：「佢成日話我好惡，應該畀人見到我呢一面喎。」

讚葉念琛：佢好肯畀演員試

大讚角色「好玩」又夠「寸」的詩詠，還透露事前做了數天功課：「試咗幾種唔同嘅演繹方法，去搵點樣最好睇。」她又大讚葉念琛勇於嘗試：「佢好肯畀演員試啲未試過嘅嘢，所以佢搵我時我一口答應。」曾與陳瀅在《四個女仔三個BAR》中合作的詩詠，大讚陳瀅有很大進步：「我覺得佢收放自如咗好多。」葉念琛則指想為觀眾打造完全不一樣的唐詩詠，並透露曾一度為趙生選角煩惱：「我想搵一個大家唔係咁熟悉嘅面孔，麥秋成佢冇同詩詠合作過，同埋佢身份年紀都啱個角色。」

除了家寶及家琪角色備受關注，盲目痛愛渣男的小美（陳曉華飾）亦令網民看得相當肉緊，除了紛紛留言替其感不值外，更有人指劇中第二個最想打的角色就是小美，因為想她早日清醒。另小美昨晚的空姐服配搭黑絲Look則獲網民大讚省鏡。

圖：TVB