【識港網訊】新冠疫情嚴峻，TVB《2022香港小姐競選》目前有6位佳麗中招，大會決定取消原定9月4日舉行的準決賽，換言之19位佳麗將直接進身25日的紅館決賽！

早前確診新冠病毒的曾志偉昨日（31日）已「出關」，並夥拍麥美恩、邵初、梁凱晴及關楓馨4位港姐師姐拍攝特輯及交代香港小姐競選最新安排，志偉表示準決賽取消，變陣轉播放港姐特備節目：「原本我哋拍咗好多片，準備喺準決賽播，咁橋啲片用得番，剪埋一個鐘左右，畀大家認識今年參賽嘅佳麗。」

曾志偉續指今屆香港小姐花了很多心思，想突破傳統可惜未能成事：「本身想做一個好另類嘅準決賽，第一係司儀嘅組合，全女班司儀，第二就係個舞台，後面個Mon會升高升低，兩邊係好大好高嘅屏幕，有一個好大嘅水池，下面會滲水、上面會落雨，仲有個好大型嘅歌舞劇叫《Singing In The Rain》，啲女仔已經排好，結果最後都做唔到。」

志偉透露今次不惜工本，花了超過5、6百萬搭建舞台，最後無奈要報銷，慘蝕7位數：「全部為今次個景特登燒出嚟，升降、水池噴水……已經都冇喇。冇辦法啦，人生就係咁，好多意外就係意料之外。」

最後曾志偉強調現時主要做好港姐總決賽：「喺佢哋驗到一線（陰性）之後，我哋就會將所有佳麗集中埋一齊，點對點返公司綵排，然後返酒店，確保25號順順利利去進行。」