【識港網訊】藝人李璨琛和太太梁志瑩（Sophia）不時都會在社交平台分享女兒李元元（Lucy）日常生活，Lucy因肥嘟嘟、舉止豪邁獲封「最萌星二代」，IG平台更累積有38萬粉絲，深受網友歡迎。不過日前Sophia就卻因一則發文遭到網民鬧爆！

日前Sophia上載Lucy最新相片，在相中Lucy身穿白色睡衣裙、腳踩銀色高踭鞋，而且坐姿粗魯。Sophia就寫道：「廟街流鶯一枚。（意指性工作者）」又稱：「喂呀你可唔可以着返好對鞋先再講呀！你咁樣係唔會有客㗎！」

貼文引來網民鬧爆！因「流鶯」意指女性性工作者，有網民斥Sophia用以「流鶯」形容只有4歲的女兒十分不恰當：「明明只係一張普通小朋友嘅相都可以咁講，仲要嗰個係自己個女嚟，自以為好搞笑但其實好低俗！」、「大個實被同學笑到面黃。」、「講笑還講笑，笑自己個女似『流鶯』真係過晒火位！」

Sophia發出貼文後不久，Lucy IG帳戶被停用，有傳Sophia刪帳戶避風頭，不過隨後Sophia亦在個人帳號澄清否認，指疑因觸犯IG條款「其實呢我本人就冇delete（刪除）到Lucy個account（帳戶），係因為lucy is not old enough（未夠歲數）」