移動版
在這裏認識香港



林作澄清港姐「豬扒」 言論
來源:橙新聞    2022-06-07 11:56
「確實講豬扒係唔啱嘅。呢啲係恐龍、暴龍,你講豬扒,你講豬扒係侮辱咗豬扒,我同全港市民道歉。」

【識港網訊】 林作早前因為用「豬趴」來稱呼面試參選港姐的佳麗,引起無綫(TVB)不滿,更發出律師信指其涉誹謗,要求林作於今(7日)下午5時前作出回覆,而大限將至,林作昨晚(6日)7時半開直播給予正式回應,但指自己並沒錯故拒向TVB道歉,更揚言不怕與TVB打官司。

他說既然要回覆,應該向全港市民一併回覆,所以開直播:「對方要求我作出一個清晰回應,我回應後選擇告唔告我。簡單講我係澄清『豬扒』言論,唔會道歉,呢個唔係一個道歉行為,但有責任講清楚件事,我無錯!最多係美麗的誤會。」

林作稱同TVB打官司未驚過

林作澄清「豬趴」一字是指「海選階段,唔入圍、想成為候選嗰啲。」隨後更再補多刀:「確實講豬扒係唔啱嘅。呢啲係恐龍、暴龍,你講豬扒,你講豬扒係侮辱咗豬扒,我同全港市民道歉。」林作又指他的「豬趴」言論只屬意見陳述,而唔同人對「豬趴」定義不同,法律上難以用誹謗案提出控告。

林作表示視打官司如「食生菜」,因為當過兩年大律師,他說:「唔單止唔怕,仲有少少技癢,冇唸過可以與法庭再續前緣,我唔排除到大律師公會申請復牌,為自己辯護,信心係百分之二百,無辦法再高,反而擔心佢哋有冇信心。」

林作聲稱睇好當日穿紅裙面試「重慶綺夢」,曾向TVB表示:「如果你願意通知她參加下一輪競選的話,本人願意大局為重,以和為貴,鄭重道歉,並稱讚TVB之眼光。」

林作指TVB私下沒聯絡他,但第二港姐輪競選日期與TVB要求林作回覆日子撞期,故林作認為有機會是曲線宣傳。他稱:「我不排除進一步蒐集更多證據,要去現場再𥄫一𥄫。懷疑他們特登玩嘢,曲線宣傳成分多一點,引我入去再評論,咁真係驚,可能要到現場數『豬仔』,沒有九成我就要道歉了!」

圖:林作facebook直播截圖

责任编辑:lwh