【識港網訊】

男團MIRROR最近派出今年第一首團歌《Innerspace》，今次12子的團歌MV，更要在水池中勁舞，跳到內外全濕，雖然眾人要捱凍兩個鐘完成拍攝，但12子在拍攝時會互相整蠱，引發濕身水戰，大家都玩得好開心，不過教主盧瀚霆（Anson Lo）卻被爆拍攝途中突然被送院，幸而有驚無險。

教主盧瀚霆（Anson Lo）早前在社交網站自爆曾入醫院，原來是拍攝團歌《Innerspace》MV途中入院的，Anson Lo獲經理人花姐批准公開事件，他說：「其實很小事，好無聊，因為自己近日肥咗，連手指都肥埋，拍MV嘅時候因為戴上戒指，點知右手隻無名指太肥卡住咗，加上越整就越腫，隻手指腫到成個波咁，我就好擔心，於是即刻打畀醫生問點算，醫生同我講要即刻去醫院幫我處理，其實喺醫院逗留咗半個鐘都走得㗎喇。」

圖：ansonlht@IG、《Innerspace》MV截圖