【識港網訊】

由游學修、許賢、蘇致豪三位鬼才創作者創辦的YouTube頻道《試當真》，自成立以來一直話題不斷。繼早前有眼利網民發現游學修與「世一女神」陳以臻（Jessica，Ca姐)交換飯盒和口水，互動甜蜜，瘋傳二人撻著！日前(28日），男方終於鬆口認愛，在IG公開他與Ca姐的戀情，成為繼吳家忻（Kayan9896）及林家熙（Locker）後，第二對《試當真》情侶檔。

昨日(28日)游學修突然在IG大放閃彈，上載了一張他和Ca姐合照的背影，霸氣宣言：「記者剛致電，我情願自己喺度講先，我拍拖了。」他又自爆：「之前凍檸茶事件本來唔想回應（未追到點公開講未追到呢）有啲嘢不可能攤開肚皮，觀眾又會按自己知道嘅時序去設想，只想說當時冇講大話，依家都冇。」

據指有傳媒收到爆料相片，游學修與Jessica在科學園孖公仔食飯兼拖手被「斷正」。後來游學修受訪時承認拍拖，又指二人只是開始了一星期，他解釋：「我哋同一班同事上星期遇到車禍，對方不顧而去，呢件事觸發我哋拍拖嘅，其實我一直都想低調處理感情事，真係唔想講咁多。」事後他再在IG急急認愛，無奈表示：「好唔想好唔想上新聞，每次娛樂報導都會換來惡毒留言⋯⋯祝福留喺呢度可以了，多謝大家！

圖：試當真@FB、認真毛群組@FB、IG@neoyau19