移動版
在這裏認識香港



網民揭發有狗仔入袋被困密封車箱
來源:橙新闻    2022-04-25 15:03
近日有途人路經太古康怡停車場,突然聽到某車輛傳來狗吠聲,細看發現車內疑似有小狗被困於寵物袋。

【識港網訊】

有人話養狗要「考牌」,真是不無道理。近日,有途人路經太古康怡停車場,突然聽到某車輛傳來狗吠聲,細看之下,發現車內疑似有小狗被困於寵物袋,車箱更呈密封狀態,惟車主卻不在現場。熱心途人擔心狗仔會有窒息或中暑的危機,即時通知保安員聯絡車主,又在網上發文怒斥狗主「係咪癲咗」,事件引起大批網民關注,有人認為狗主的行為有虐畜之嫌。

原來狗仔被困車箱

前日,有網民在Facebook群組「車cam L」中揭發,指在太古康怡停車場內,有人獨留狗隻於車箱內。從影片可見,涉事車輛為一架灰色私家車,在車輛後座地面擺放了一個布袋,袋中不斷傳來狗吠聲,疑似是狗狗想掙扎逃出。網民見車箱內所有車窗都被關上,擔心狗狗長時間被困於密封的車廂內會有危險,忍不住邊拍片邊怒斥主人「黐線㗎!放喺袋入面,仲要出唔到嚟!」

後來,網民聯絡了停車場的保安員,要求他們通知車主接回毛孩。不過由於當時她要手抱嬰兒,不方便逗留太耐,於是她便在保安更亭留下聯絡方法以作跟進。期後,她收到商場來電,指保安員再次到涉事車位了解時,車主已把車輛駛走。

事件引起網民熱議,不少人留言狠批狗主「虐畜」、「謀殺呀」、「冇腦人,學咩人養狗」、「無人性」、「會焗死隻狗㗎,有冇常識㗎」。有人表示︰「其實養動物嘅主人要plan好行程,要先考慮去嘅地方可唔可以帶寵物入去,而唔係一句『唔想拎』就掉佢響車囉。生命嚟㗎,你估毛公仔?如果嗰個係親生bb,唔知車主又會唔會咁做呢?」,更何況「太古城可以帶狗入去架喔」。

圖︰FB@車cam L

责任编辑:lwh