【識港網訊】

MIRROR成員Edan(呂爵安)近來推出第四首個人單曲《Elevator》，今次Edan更挑戰個人跳唱，初嚐Rap的滋味。他接受傳媒訪問指今次Rap時曾經好怕變了「數白欖」，幸得隊友Anson Lo及 Jer在現場支持，加上前輩羅家英和阮小儀加持，順利完成MV。

Edan指今次出歌特別緊張，他稱：「始終跳唱同埋Rap，唔係我好擅長範疇，但係新人年過咗，想試同挑戰唔同嘅嘢，同埋我都好鍾意跳唱。」之後花姐亦開金口，大讚本身懶音勁的Edan Rap有進步，咬字好了，令Edan信心增加不少。

除了花姐外，今次MV還得到隊友Anson Lo、Jer及Jeremy一同發力，Anson Lo 及Jer更在MV客串支持。Edan稱：「佢哋都有畀好多意見我，或者當我好冇安全感、信心，判斷唔到時，佢哋都會話OK，我都安心啲。」除了隊友外，前家英哥、小儀和《闔家辣》導演Coby 亦都力撐Edan到底，現身MV！Edan表示想在MV看到熱鬧的感覺，有很多不同臉孔，觀眾會開心點！

Edan早前跟毛舜筠(毛姐)合作電影《過時過節》，接受訪問點名最想他成為兒子。成為演藝界最受前輩歡迎的新人，Edan笑言：「我阿媽應該會好開心囉！我阿媽一定會覺得佢教得好！」他指同毛姐合作是個好好的機會，教他很多東西。有些場口沒有毛姐份，亦在特意在場指導。而且本身拍《過時過節》好大壓力，好緊張。因為電影題材與以往太不同，好擔心做得不好，幸好有毛姐支持，令他安心很多。

圖：星島、edanlui@IG