移動版
在這裏認識香港



視帝譚俊彥哽咽認伤心往事
來源:橙新闻    2022-03-29 11:49

【識港網訊】

無綫綜藝節目《不可能任務》,昨晚(27日)播出 Mission II 部分的「特警遴選體驗」最終回!出爐視帝譚俊彥( Shaun)回憶自小被取笑肥、靠父蔭,自覺冇天份做演員曾想過轉型幕後。受傷患困擾的Shaun坦言訓練艱苦,更不敢向家人談及訓練之苦,接受無綫娛樂新聞台專訪時更數度忍淚哽咽,坦言真的擔心過自己會出事。

昨晚(27日)播出 Mission II 部分的「特警遴選體驗」最終回!出爐視帝譚俊彥 Shaun 率領的藝人隊包括關曜儁 Leo、李思雅 Cindy、伍富橋、余應彤、何泳芍 Honey、 鄔嘉駿及吳紫韻 Purple,雖然最終未能以合格姿態通過考驗,但卻獲讚專業精神及毅力可嘉,大家亦建立了牢不可破的團隊精神,整件事可謂圓滿落幕。

身為隊長的阿 Shaun ,由於已年屆 41 歲,加上長期備受傷患困擾,執行任務期間多番面對挫折;不過對自己有嚴謹要求的 Shaun,還是咬緊牙關盡能力完成所有關卡,更化身「親切的隊長」,經常分身鼓勵隊友別輕易放棄。雖然外表堅強又硬淨,但由於體力透支及可能真的有點太勉強自己,Shaun 完成為期三日的訓練及挑戰後,接受無綫娛樂新聞台獨家專訪時數度忍淚哽咽,坦言真的擔心過自己會出事:「我覺得拍戲上仲可以 Handle 到自己,但今次我真係驚,因為我有兩個小朋友,真係驚我有咩事嘅話(哽咽)…尤其佢哋真係好細個…」雖然如此,但為了證明自己,Shaun 還是咬著牙關死撐:「我唔想我太太睇到之後擔心我,因為佢睇得出我好多嘢係死撐。我覺得我一定要笑住做完呢個任務,我成日同啲 crew 講,我完成當自己贏咗架喇。今次我當係送畀自己一份嘅禮物,以一個 41 歲、周身有傷嘅人嚟講,同到佢哋一齊去完成呢三日,而每一個阿 Sir 走嚟話 good job 嘅時候,對我嚟講都係一個好大嘅支持。」Shaun 又透露受訓期間, 完全不敢向家人透露苦況:「尤其係我父母,我唔敢同佢哋講,所以我要更加保護自己, 可能我都算有啲經驗,我識得調節飲食同適當咁令自己減壓。」以尋求突破為大前提的 阿 Shaun,坦言若重頭再揀一次,他依然會參加《不可能任務》:「我一定會做,因為如 果過多 10 年,我真係做唔到。」

感性的 Shaun,更突然想起初入行時也是同樣經歷不少挫折、也是同樣撐了過去:「咁多 年我知架,由入行開始就知道我唔係特別有天分嘅演員,我細個嗰時畀人話肥,話我靠 老竇,一步一步咁走嚟,冇諗過會做到一個 Leader 嘅角色。我之前諗過會唔會去做導 演,會唔會唔做幕前…真係可能精力完全耗盡時就會有好多呢啲嘢。」

圖:TVB

《萬千星輝頒獎典禮2021》 譚俊彥憑《換命真相》首奪最佳男主角
Shaun 坦言受訓期間,不敢向家人透露苦況,尤其是父母

由於Shaun(中間)已年屆41歲,加上滿身傷患,坦言曾擔心自己出事。
责任编辑:lwh